Dövlət Tibbi-Sosial Ekspertiza və Reabilitasiya Agentliyinin, Sumqayıt Reabilitasiya Mərkəzinin rəhbərliyi, mərkəzdə kompleks tibbi-sosial reabilitasiya kursu keçən İkinci Qarabağ müharibəsi qaziləri və əlilliyi olan şəxslər Sumqayıt Dövlət Rəsm Qalereyasında "Zirvəyə ucalanlar” adlı sərgi ilə tanış olublar.
Sumqayıt Dövlət Rəsm Qalereyasının direktoru Ellada Həsənova Xeberle.com-a bildirib ki, qonaqlara Sumqayıt şəhidlərinin şəkli əks olunan xalçalardan təşkil edilmiş sərgi haqqında ətraflı məlumat verilib. Qazilər şəhid olmuş döyüş yoldaşları ilə bağlı xatirələrini bölüşüblər. Habelə, yerinə yetirdikləri çətin, amma şərəfli missiya barədə danışıblar.
Qazilərin böyük maraqla tanış olduqları sərgi xoş təəssüratlar yaradıb.
Xəbərdən istifadə edərkən istinad etmək vacibdir.
