Xeberle.com-a verilən məlumata görə, tədbirdə Azərbaycan Qızıl Aypara Cəmiyyətinin Baş katibinin müavini, Gənclər və könüllülər şöbəsinin müdiri Xalidə İsgəndərova, Sumqayıt Gənclər və İdman Baş İdarəsinin əməkdaşı Könül Ələsgərova, Sumqayıt şəhərindən secilmiş deputatların köməkçiləri, əməkdaşlıq edilən tərəfdaş təşkilatların nümayəndələri, şəhərin ayrı-ayrı müəsisələrinin gəncləri və bölmə könüllüləri iştirak ediblər.

Öncə Gənclər və İdman Baş İdarəsinin təşkil etdiyi Gənclər Gününə həsr olunmuş rəsm sərgisinə baxış kecirilib. Tədbir Dövlət Himninin səsləndirilməsi ilə başlayıb. Vətən müharibəsində şəhid olanlar bir dəqiqəlik sükutla yad edilib.

QAC Sumqayıt şəhər bölməsinin sədri Mətanət Məhərrəmova görülən işlər barədə məlumat verib, birgə fəaliyyət ücün şəhər gənclərinə və həmcinin xeyriyyə aksiyalarının ərsəyə gəlməsinə dəstək olan tərəfdaş təşkilatın nümayəndələrinə minnətdarlığını bildirib. Onlara bölmə tərəfindən hazırlanmış Fəxri Fərmanları təqdim edilib. "SOCAR Polymer” MMC, "Paşa Həyat" ASC, "Paşa Bank" ASC, "Paşa Sığorta" ASC, "Lactalis Caspi" MMC, Ordubad Marketin nümayəndələri də söz alaraq,görülən xeyriyyə işlərində qatqıları olduqlarından qürur duyduqlarını və bundan sonra də bölmənin bu yönümlü tədbirlərində onların yanında olacaqlarını bildiriblər.

Bayram süfrəsi arxasında əyləşən qonaqlar və şəhər gəncləri bir-birini əvəz edən musiqi nömrələrini və bölmə könüllülərinin hazırladıqları Flash Mobu maraqla izləyiblər.

Sonda xatirə şəkilləri cəkilib.