İqtisadiyyat və sənaye naziri Şahin Mustafayevin martın 14-də Sumqayıtda nəzərdə tutulan vətəndaşların qəbulunun vaxtı martın 28-nə keçirilib. 

AZADİNFORM  xəbər verir ki, saat 10:00-dan etibarən Tarix Muzeyində təşkil olunacaq qəbulda iqtisadiyyat və sənaye naziri Şahin Mustafayev Sumqayıt şəhərindən və Abşeron rayonundan olan vətəndaşları qəbul edəcək. 

Qəbula gəlmək istəyən vətəndaşlar qeydiyyata alınmaları üçün Nazirliyin [email protected] elektron poçt ünvanı və (012) 493-51-68, 493-88-67 (21-43), (050) 315-18-17 nömrəli telefonlar, Nazirliyin 195-2 Telefon Məlumat Mərkəzi, həmçinin, Nazirliyin Abşeron regional bölməsi vasitəsilə müraciət edə bilərlər. 

Bununla yanaşı, vətəndaşlar Nazirliyin internet və “Facebook” səhifələrində xüsusi olaraq yaradılmış "İqtisadiyyat və sənaye nazirinin şəhər və rayonlarda keçirilən qəbulu üçün müraciət" bölmələri vasitəsilə də qəbula yazıla bilərlər.