Hesablama Palatası Dövlət Sosial Müdafiə Fondunun 2022-ci il büdcəsinin layihəsinə rəyini təqdim edib.
Xeberle.com xəbər verir ki, Palatanın rəyi 2021-ci ildə görülən işlər haqqında hesabatda qeyd edilib.
Rəydə büdcə zərfinə daxil ediləcək məlumatların artırılması, büdcədənkənar dövlət fondlarının büdcələrinin icrasının, dövlət büdcəsində olduğu kimi, qanunla təsdiq edilməsi, həmçinin bu fondların layihələrinin Milli Məclisə təqdim edilməsi prosesi üzrə normaların müəyyənləşdirilməsi tövsiyə olunub.
Hesablama Palatası DSMF-yə "Əmək pensiyaları haqqında” qanunla dövlət büdcəsinin vəsaiti hesabına maliyyələşdirilməli olan məbləğin dəqiqləşdirilməsi, həmçinin həmin məbləğin növbəti il üçün ayrılması nəzərdə tutulan hissəsinin pensiya növləri üzrə bölgüsünün hər il müvafiq qanun layihəsində əks etdirilməsi, dövlət büdcəsindən dövlət öhdəliyi hesab edilən xərclərin maliyyələşdirilməsi üçün ayrılmış vəsaitlərin funksional və iqtisadi təsnifat üzrə bölgüsünün təqdim edilməsini bildirib.
Fondun növbəti il üzrə büdcəsinə dair qanun layihəsində "gəlirlər” maddəsinin "məcburi dövlət sosial sığorta haqları” bəndinin strukturunun "sosial sığorta haqqında” qanunda göstərilən gəlir mənbələrinə uyğunlaşdırılması, sığorta ehtiyatlarının tərkibi və onlardan istifadə üzrə hesabatlılığın formalaşdırılması, Fondun real öhdəliyinin müəyyənləşdirilməsi baxımından əmək pensiyalarının yenidən hesablanması zamanı keçmiş dövrlər üzrə yaranmış və ödənilməmiş pensiya məbləğlərinin növbəti ildə ödəniləcək hissəsinin Fondun öhdəliyi olaraq Qanun layihəsində göstərilməsi tövsiyə edilib.
Xəbərdən istifadə edərkən istinad etmək vacibdir.
