Sumqayıt şəhər Gənclər və İdman Baş İdarəsinin və şəhər Təhsil Şöbəsinin birgə təşkilatçılığı ilə Heydər Əliyev Mərkəzində "Xəmsə” formatında keçirilən "Şuşa Kuboku” adlı bilik yarışının yarımfinal və final mərhələsi keçirilmişdir. Qeyd edək ki, yarış cari ilin mart ayından start götürmüş və şəhərin 32 ümumtəhsil müəssisəsini əhatə etmişdir.
Yarışın keçirilməsində məqsəd Azərbaycanın şanlı tarixi olan 44 günlük Vətən müharibəsinin və milli-mənəvi dəyərlərimizin məktəblilər arasında geniş təbliği, gənclərin vətənpərvərlik və vətəndaşlıq ruhunda tərbiyəsi, intellektual oyunlara marağın artırılması və onlar arasında sağlam elmi rəqabət mühitinin yaradılmasıdır.
Ümumilikdə 200 nəfərə yaxın şagirdin iştirak etdiyi bilik yarışının final mərhələsində 35 saylı tam orta məktəbin "Polad” komandası I, 28 saylı tam orta məktəbin "Kepler” komandası II, 1 saylı tam orta məktəbin "Zəfər” komandası isə III yerə layiq görülmüşlər.
Qalib komandalar Baş İdarənin kubok, medal və fəxri fərmanları ilə təltif edilmişdir.
Xəbərdən istifadə edərkən istinad etmək vacibdir.
