Sumqayıt Regional Mədəniyyət İdarəsin tabe olan Şəhər mədəniyyət evi ümummilli lider Heydər Əliyevin anadan olmasının 99-cu ildönümü ilə əlaqədar "Dahi şəxsiyyət” adlı ədəbi-bədii gecə keçirib.
Azərbaycan Respublikasının Dövlət Himni səsləndikdən sonra ulu öndərin siyasi fəaliyyəti haqqında geniş məlumat verilib və videoçarx nümayiş olunub. Daha sonra Azərbaycan yazıçılar birliyinin üzvü, şair İbrahim İlyaslı Heydər Əliyevin Azərbaycana rəhbərlik etdiyi bütün dövürlərdə ölkəmizin tərəqqisi naminə apardığı işlərdən danışıb. Ümummilli liderimiz Azərbaycan xalqının milli mədəniyyətinə, onun tarixi qaynaqlarına həmişə böyük diqqətlə yanaşıb, millətin qan yaddaşına hopmuş tarixi şəxsiyyətlərimizin zaman-zaman yaşaması üçün öz qayğısını əsirgəməyib.
Mədəniyyət evinin gənc müğənniləri Heydər Əliyevə həsr olunan mahnılar ifa ediblər. Tədbir Ə.Vahid adına kitabxana tərəfindən təşkil olunmuş Ümummilli lider Heydər Əliyevin həyatı, siyasi fəaliyyəti haqqında nəşr olunan kitablardan ibarət sərgiyə baxışla yekunlaşıb.
Xəbərdən istifadə edərkən istinad etmək vacibdir.
