Sumqayıt Regional Mədəniyyət İdarəsinə tabeli olan Nəriman Nərimanov adına Mədəniyyət Mərkəzinin qarşısında 1 iyun-Uşaqların Beynəlxalq Müdafiəsi Günü ilə əlaqədar "Uşaqlar xoşbəxt olsun” adlı şənlik keçirilib. Şənliyə Mədəniyyət Mərkəzində fəaliyyət göstərən yaradıcı kursların üzvləri, tabeliyində olan müəssisələrin əməkdaşları və H.Əliyev adına prospektin sakinləri toplaşıblar. Şənliyə fərqli rəng dünyası, təxəyyülü ilə seçilən rəsm kursunun üzvləri uşaqlarla bağlı çəkdikləri gözəl rəsmlərlə qatılıblar. Daha sonra şənliyin aparıcısı Amil Babayev Ulu Öndərimiz H.Əliyevin uşaqlar haqqında fikirlərindən sitat gətirərək, ölkəmizdə uşaqların müdafiəsindən qısaca söhbət açıb və meydanı musiqiyə, rəqsə verib. Şənlikdə səsini musiqiyə bələyən, meydanı gözəl ifaları ilə ələ almağı bacaran gənc müğənnilər: Əli Əzizoğlu, Aydan Salahova , mərkəzin yetirməsi Orxan Orucov şux nəğmələri ilə, həmçinin "Turan” və "Mehriban” rəqs qruplarının üzvləri bir-birindən rəngarəng rəqslər ediblər.
Xəbərdən istifadə edərkən istinad etmək vacibdir.
