Sumqayıt şəhər Gənclər və İdman Baş İdarəsi, Gənclər Evi və Gənc Müəllimlər Şurasının birgə təşkilatçılığı ilə Gənclər Evində "Qafqazın Sənət Məbədi Şuşa Wikipediya”da adlı interaktiv seminar təşkil edilmişdir.
Məqsəd 2022-ci il - "Şuşa ili”nin qeyd edilməsi, gənclər arasında ölkəmiz və zəngin tariximiz barədə elmi məqalələrin "Wikipediya”da yerləşdirilməsi, redaktəsinə dair bilik və bacarıqların formalaşdırılması, informasiya strukturlarının düşmən təsirindən qorunması, həmçinin sosial platformalarda ölkəmizə qarşı dezinformasiyaların qarşısının alınmasıdır.
Seminarda beynəlxalq ekspert Ramil Süleymanov "Wikipediya”nın perspektivləri, prinsiplərindən söz açmış, ensiklopedik məqalələrin yaradılmasının qaydaları, monitorinqi, şablonlar və mənbələrdən istifadə üsulları, müəllif hüquqları, wiki-mühitdə konfliktlərin həlli yolları barədə gənc müəllim və könüllülərə geniş məlumatlar vermişdir.
Seminarda maraqlı müzakirələr aparılmış, gəncləri maraqlandıran suallar təlimçi tərəfindən cavablandırılmış, aktiv iştirakçılara sertifikatlar təqdim edilmişdir.
Xəbərdən istifadə edərkən istinad etmək vacibdir.
