Sumqayıt Regional Mədəniyyət İdarəsinə tabe olan Nizami Gəncəvi adına Kitabxana klubda "Bədii ədəbiyyatda Xurşidbanu Natəvan obrazı” adlı dəyirmi masa keçirilib.
Kitabxana klubun müdiri Ülviyyə İsayeva tədbirdə Əzizə Cəfərzadənin "Natəvan haqqında hekayələr”, Şövkət Məmmədovanın "Könül səsi” və İlyas Əfəndiyevin "Xurşidbanu Natəvan”, Hüseyn Arifin "Natəvan” adlı poemalarında yaratdıqları Xan qızının obrazı haqqında çıxış edib. Bildirib ki, Natəvan haqqında yazılan əsərlər həm özünün portretini, həm də XIX əsr Şuşanın ədəbi-mədəni, ictimai-sosial mühitini əks etdirmək baxımından maraqlı və əhəmiyyətlidir. Biz bu əsərlər vasitəsilə nəinki şairənin özünün bir şəxsiyyət kimi maraqlı taleyi ilə, həm də Qarabağın tarixi keçmişi ədəbi-mədəni mühiti ilə də tanış oluruq. Sonda oxucular kitabxanada təşkil olunan Xan qızı Natəvana həsr olunan kitab və dövrü mətbuat materiallarından ibarət sərgi ilə də tanış olublar.
Xəbərdən istifadə edərkən istinad etmək vacibdir.
