İranın Ali Rəhbəri Əli Xameneyi ölkədə yaranan hicab qalmaqalı fonunda sözügedən məsələ ilə bağlı mövqeyini açıqlayıb.
Xeberle.com xəbər verir ki, o, hicabla saçlarını tam örtməyən qadınların dinsiz olmadığı söyləyib.
"Hicabı düzgün geyinməyən qadınlar yenə də bizim qızlarımızdır. Hicab İslamdan doğan zəruri şəri məsələdir və şəriətin vacib buyurduğu hökmdür. Hicabın vacibliyinə dair heç bir şək və şübhə yoxdur. Bunu hamı bilməlidir ki, hicab şəriətin vacib buyurduğu əmrdir və buna riyayət edilməlidir. Amma hicab taxmayanları dinsizlikdə və inqilab düşməni olmaqda ittiham etmək olmaz”, - deyə Xameneyi bildirib.
Ekspertlər hesab edir ki, onun bu çıxışı ilə hökumətin hicabla bağlı mövqeyinin yumşaldığını göstərir.
Xəbərdən istifadə edərkən istinad etmək vacibdir.
