Türkiyənin "Emmi” mükafatlı aktyoru Haluk Bilginer və dünyaşöhrətli aktrisa Ancelina Coli eyni filmdə baş rolları canlandıracaqlar.
Xeberle.com məlumat Türkiyə mətbuatına istinadən xəbər verir ki, onlar rejissor Pablo Larreynin çəkdiyi "Mariya” filmində oynayacaqlar.
Film yunanəsilli amerikalı opera müğənnisi Mariya Kallasın həyatından bəhs edir. Belə ki, ekran işində Ancelina Mariyanı, Haluk isə yunanıstanlı iş adamı, milyarder Aristotel Onassisi canlandıracaq.
Filmdə Mariyanın 1970-ci illərdə Parisdəki həyatından söz açılır. Aristotel Onassis öldürülən ABŞ Prezidenti Con Kennedinin həyat yoldaşı Jaklin Kennedi ilə evlənmək üçün (1968-1975-ci illər) Mariya Kallasdan ayrılır. Bu xəyanətdən sonra Kallas İtaliyaya, sonra isə Fransaya köçür.
Aristotel Onassis 1975-ci ilin martında 69 yaşında tənəffüs çatışmazlığından, Mariya Kallas isə 1977-ci ildə 52 yaşında ürəktutmadan vəfat edib.
Xəbərdən istifadə edərkən istinad etmək vacibdir.
