HƏMAS-ın oktyabrın 7-də səhər saatlarında başlatdığı Əl-Əqsa tufanı əməliyyatına cavab verən İsrail, 12 gündür Qəzzanı bombardman edir. Ötən gün İsrail ordusu tərəfindən vurulduğu iddia edilən xəstəxanada yüzlərlə mülki insan həyatını itirib.
Xeberle.com məlumat verir ki, müharibənin ən qanlı, faciəvi surətini əks etdirən Qəzza zolağındakı hadisələr dünya ölkələrini hərəkətə gətirib.
Qətliamdan sonra İranın Xorasan əyalətinin Məşhəd şəhərindəki Rəzəvi türbəsinin üzərinə "İntiqam” çağırışını əks etdirən qara bayraq asılıb.
Məlumata görə, qara bayraq qisas əlaməti və əsgərləri döyüşə apararkən taxılan baş geyiminin rəngidir. Bağdadda hökmranlıq edən Abbasilər sülaləsi (750-1258) tərəfindən qurulmuşdur. Bayraq Kərbəla döyüşünün xatirəsinə matəm simvolu kimi götürülüb.
Xəbərdən istifadə edərkən istinad etmək vacibdir.
