İsveçrə polisi və Amerika Federal Təhlükəsizlik Bürosunun həyata keçirdiyi əməliyyat nəticəsində FİFA-nın 10-dan çox yüksək çinli əməkdaşının həbs xəbəri dünya mediasının gündəmini zəbt edib.  FİFA prezidentliyinə keçiriləcək seçki ərəfəsində aparılan həbslərin motivi olaraq 100 milyon dollarlıq korrupsiyadan söhbət gedir.   Həbs olunanlar arasında FİFA-nın İcraiyyə Komitəsinin üzvləri - Kayman adalarından olan Cefri Uebb, uruqvaylı Euxenio Fiqeredonun adları mediaya məlum olub. Həmçinin komitənin sabiq üzvü Cek Uorner də tutulanlar sırasındadır.   Onlar Sürixin "Baur au Lac” otelində həbs ediliblər. Adları çəkilən şəxslər FİFA-nın Konqresində iştirak etmək üçün bir neçə gündür Sürixdə imişlər. Həbs olunanların hamısı ABŞ-a ekstradisiya olunub.   Bildirilir ki, ABŞ-da həmin şəxslərə qarşı son 20 ildə dünya çempionatlarının ev sahibliyi ilə bağlı verilən qərarlarda rüşvət almaq, marketinq müqavilələrində maliyyə yeyintisi, reketlik və çirkli pulların yuyulması ittihamı irəli sürüləcək.  (axar.az)