Ermənistan MDB məkanında Azərbaycan vətəndaşlarına qarşı aparılan axtarışları geri götürüb.
Xeberle.com məlumat verir ki, bu barədə Ermənistan Daxili İşlər Nazirliyi məlumat yayıb.
Qeyd olunub ki, bu barədə razılıq Ermənistan Respublikası ilə Azərbaycan Respublikası arasında hələ 2007-ci ildə əldə edilib: "Razılaşmaya əsasən, tərəflər qarşılıqlılıq prinsipi əsasında MDB-yə üzv dövlətlərin ərazisində hər iki ölkənin vətəndaşlarına qarşı elan edilmiş dövlətlərarası axtarışları dayandırmaq barədə razılığa gəliblər. Yuxarıda qeyd olunan razılaşmaya və tərəflərin 2007-ci ildən əldə edilmiş razılaşmanı pozmamasına əsaslanaraq, 2024-cü ildə tərəflər qarşılıqlılıq prinsipi əsasında MDB-yə üzv dövlətlərin ərazisində dövlətlərarası axtarışların dayandırılması/elan edilməməsi öhdəliyini təsdiqləyiblər".
Xəbərdən istifadə edərkən istinad etmək vacibdir.
