Ermənistanın Gümrü şəhərində Rusiya ordusunun əsgəri öldürülüb. Bu barədə informasiyanı "İnterfaks" agentliyi yayıb.    Öldürülən əsgərin cəsədi "Ermənistan anası" adlandırılan abidənin yanında tapılıb.    Qeyd edək ki, bir müddət öncə Rusiyanın 102-ci bazasının əsgəri Viktor Permyakov Gümrüdəki ailənin qətlinə görə həbs edilmişdi. Bu, Ermənistanda böyük etirazlara səbəb olmuşdu.  

***  

Ermənistanın Gümrü şəhərində Rusiyanın 102 saylı hərbi bazasında xidmət edən İvan Novikov adlı əsgərin öldürülməsi ilə bağlı bir nəfər saxlanılıb. Bu barədə baza rəisinin şəxsi heyətlə iş üzrə müavini Aleksey Polyuxoviç jurnalistlərə deyib.   O bildirib ki, saxlanılan şəxs müqavilə əsasında bazada xidmət göstərən əsgər olub: "Müstəntiqlər onun ifadəsini alırlar. Adını açıqlaya bilmərəm”.   A.Polyuxoviç baş vermiş hadisə ilə bağlı şərh verməkdən imtina edib. (axar.az)