ABŞ-ın Binqhamton Universitetində elm xadimləri maraqlı bir təcrübə həyata keçiriblər. Universitetdə depressiyadan əziyyət çəkən 60 qadın olmaqla, toplam 160 qadın üzərində təcrübə aparılıb. Qadınlara məyus, xoşbəxt, əsəbi, sakit simalı insanların fotoları göstərilib. Qadınların fotolara baxdığı müddətə əsasən araşdırmaçılar onların ruh halı, keçmişi və gələcəyi haqda fərziyyələr irəli sürüblər.   Daha öncə depressiya keçirmiş qadınların məyus və əsəbi insanların fotolarına daha uzun müddət baxdığı məlum olub. Araşdırmaçılar təxmin edirlər ki, əsəbi adamların fotolarına uzun müddət baxan digər xanımlar da yaxın gələcəkdə depressiya yaşayacaqlar. (axar.az)