Sovet liderləri Vladimir Lenin və İosif Stalinin bənzərləri arasında Moskvanın "Oxotnıy ryad” metro stansiyası yanındakı yeraltı keçiddə dünən dava baş verib.
Paytaxt metropoliteni prokurorluğu bu hadisənin araşdırılmasını xüsusi nəzarətə götürüb. Bu barədə "Moskva” agentliyinə prokuror Aleksandr Rıbak söyləyib.
Metro daxili işlər idarəsi birinci şöbəsinə Manejnaya meydanında Leninin bənzəri olaraq işləyən İqor Qorbunov müraciət edib. "Onun sözlərinə əsasən, eyni meydanda Stalinin bənzəri olaraq çalışan Lətifə Vəliyev onu kürəyindən mübahisədən sonra üç dəfə çətirlə vurub”, deyə prokuror söyləyib.
Qəhvə arxasında danışıq zamanı mərhum liderlərin oxşarları arasında peşəkar mövzularda mübahisə yaranıb, deyə "Moskovskiy komsomoleç” qəzeti də prokuror Aleksandr Rıbaka istinadla yazır.
Xəsarət alan "Lenin” yumşaq toxma zədəsi ilə poliklinikaya müraciət edib. O, bundan başqa "Stalin”ə qarşı polisə şikayət ərizəsi yazıb. (interaztv.com)
Xəbərdən istifadə edərkən istinad etmək vacibdir.
