Alimlər Avstraliya sahillərində, okeanın dibində bir neçə sualtı vulkan aşkar ediblər.
Bu haqda məlumatı "The Independent” nəşri yayıb.
Alimlərin fikrincə, bu vulkanlar cəhənnəmin qapısıdır.
Avstraliyanın Yeni Cənub Uelsi Universitetinin professoru İen Saters hesab edir ki, bu tapıntı təsadüfən aşkar edilib.
Alimlər Sidneydən 250 km aralıda okeanın dibində olan canlı həyatı öyrənən zaman 5 km dərinlikdə 4 vulkana rast gəliblər.
Araşdırmalar nəticəsində məlum olub ki, bu vulkanların 50 milyon yaşı var.
"Mən öncə özümə belə sual verdim. Okeanın altında vulkanlar hardan yaranıb?. Nəyə görə biz əvvəllər bu haqda heç nə bilmirdik. Etiraf edək ki, biz okeanın dibindən fərqli olaraq Ayın səthi haqda çox şey bilirik”, - deyə İen Saters bildirib. (AzNews.az)
Xəbərdən istifadə edərkən istinad etmək vacibdir.
