"Onlar bizə belə dedilər - biz istədiyimiz anda vətəndaşlarınızın canına qəsd edərik. Biz də onlara bunu deyirik "bir vətəndaşımızın canına qəsd edən olarsa dünyanın harasında olursa olsun o dünyanı onun başına yıxarıq. Onlar dedilər ki, biz Türkiyəni istədiyimiz münaqişəyə çəkə biləri, biz də dedik ki, AKP türk, kürd, ələvi qardaşlığının təminatıdır".
Bunu Türkiyənin baş naziri Əhməd Davudoğlu hakim partiyanın bu günki iclasında deyib.
Ölkədə son zaman baş verən terror hadisələri, partlayışlar və hərbi əməliyyatlar barədə məlumat verən baş nazir terror təşkilatı və onların arxasında dayananlara mesaj göndərməyi də unutmayıb.
Davudoğlu Türkiyə Cümhurriyətinin tək yumruq kimi istənilən təxribata layiqli cavab verəcəyini deyib.
Onun sözlərinə görə, ölkəsinin 3 yox, 33 terror təşkilatı ilə mübarizə aparmaq qüdrəti var. "Bu müddət silahlı ünsürlər silahı yerə qoyana, Türkiyəni tərk edənə kimi davam edəcək.
Bütün şəhidlərimizin yaxınlarına səslənirəm - Acınız acımızdır, ürəyimizlə hiss edirik. Amma onlar cənnətə gediblər. Bir aslanımızı itirmişik, amma Anadolunun onlarla aslanı var.
Baş nazir terrorla mübarizə əməliyyatı başladıqdan sonra bütün siyasi partiyaların liderləri ilə əlaqə saxlayaraq məlumat verdiyini də deyib. O, qeyd edib ki, bu məsələ bir ölkə məsələsidir və bütün partiyaların məlumatlandırlması lazımdır.
O, indiyə kimi ona və prezident Rəcəb Tayyib Ərdoğana zəng edərək başsağlığı verən dövlət başçılarına təşəkkür etməyi də unutmayıb. Davudoğlunun sözlərinə görə, 121 ölkə dəstəyini bildirib. "Terrorla mübarizə eyni zamanda bir səmimiyyət testidir. Yanlız deyilik və olmayacağıqda. Zərərçəkənləri də heç vaxt yanlız buraxmayacağıq.
Bir önəmli siyasi liderin ifadəsini xatırlatmaq istəyirəm "Türkiyənin belə ayaqüstə, çevik olması ən gözəl xəbərdir. Türkiyə gözüaçıqdırsa biz rahat yata bilərik"". (anspress.com)
Xəbərdən istifadə edərkən istinad etmək vacibdir.
