Yəmənin paytaxtı Sananın şimalında əsasən husilərin toplaşdıqları əl-Muayyid məscidində iki ardıcıl partlayış törədilib.
SalamNews-un "Al Maseera" televiziya kanalına istinadla verdiyi xəbərə görə, partlayışlar nəticəsində 32 nəfər həlak olub, 90 nəfər yaralanıb.
İlk partlayış dünən axşam saatlarında bir kamikadzenin özünü partlatması ilə həyata keçirilib, daha sonra isə bir minalanmış avtomaşın məscidin yaxınlığında partladılıb.
İŞİD terror təşkilatı partlayışlarla bağlı məsuliyyəti üzərinə götürüb.
"Allaha şükür olsun ki, Sana vilayətində olan mücahidlərimizdən biri əl-Cərraf bölgəsində əməliyyat həyata keçirib və husilərin məbədində onlardan intiqam alıb. Daha sonra onlara yardım edən müşriklərin içində minalanmış maşın partladılıb, onlarla müşrik ölüb və yaralanıb.”, - təkfirçi İŞİD bəyan edib.

Xəbərdən istifadə edərkən istinad etmək vacibdir.