ABŞ Konqresi Quantanamo həbsxanasındakı  məhbusların ABŞ-a köçürülməsinin qadağan olunması ilə bağlı çıxarılan hökmləri ehtiva edən 607 milyard dollarlıq Milli Müdafiə Səlahiyyət Layihəsini təsdiqləyib.

Layihə bu dəfə Senatda 3-ə qarşı 91, Nümayəndələr Palatasında  58-ə qarşı 370 səslə, yəni üçdə iki faiz  nisbətiylə səs toplayaraq Obama tərəfindən imzalanmaq üçün göndərilib. Həmçinin qanunda Ukraynaya 300 milyon dollarlıq silah yardımı üçün Obamaya səlahiyyət verilməsi və İŞİD-ə qarşı mübarizə edən Suriya və İraqdakı qruplara hərbi yardım proqramı da nəzərdə tutulub.

Layihədə İŞİD-ə qarşı mübarizədə İraq qüvvələri üçün 715 milyon dollar, Suriyalı müxaliflərə istiqamətli proqrama 406 milyon dollar pul ayrılıb.(atv.az)