Niderlandın İrandakı səfiri bu ölkənin Xarici İşlər Nazirliyinə çağırılıb və ona nota təqdim olunub.
Bu barədə açıqlama verən İran Xarici İşlər Nazirliyinin rəsmi nümayəndəsi Bəhram Qasemi bildirib ki, 2 iranlı diplomatın Niderlanddan çıxarılması diplomatik etikaya sığmır.
Xeberle.com Azərtac-a istinadla xəbər verir ki, iranlı diplomatlar Niderlandın xüsusi xidmət orqanlarının tövsiyəsi əsasında ölkədən çıxarılıb. Lakin onların Niderlandda casusluq etmələrinə dair sübutlar təqdim edilmir. Sübutlar ona görə təqdim edilmir ki, bununla bağlı faktlar yoxdur. Sadəcə olaraq diplomatları ölkədən çıxarmaq beynəlxalq qanunlara ziddir.
Xatırladaq ki, iyulun 7-də Niderland 2 iranlı diplomatı təcili olaraq ölkədən çıxarıb.
Xəbərdən istifadə edərkən istinad etmək vacibdir.
