ABŞ Müdafiə Nazirliyi (Pentaqon) 100 ədəd "F-35” tipli qırıcı təyyarələrin Türkiyəyə təhvil verilməsi ilə bağlı hesabatını Konqresə təqdim edib.
Xeberle.com Publika.az -a istinadən xəbər verir ki, "F-35”lərin Türkiyəyə göndərilməsi bu hesabatın Konqresə təqdim edilməsinə qədər təxirə salınmışdı. Ona görə də hesabatın təqdim edilməsi iki ölkənin razılaşmasında irəli doğru atılmış ilk addım olub.
ABŞ prezidenti Donald Tramp Türkiyəyə qırıcı təyyarələrin təhvil verilməsini dayandıran qanun layihəsini avqust ayında imzalamışdı.
Qanunun qüvvəyə minməsindən sonrakı 90 gün içində ABŞ Müdafiə Nazirliyinin Türkiyə ilə ABŞ arşındakı əlaqələrə dair bir hesabat hazırlaması, bu hesabatın təqdim edilənə qədər təhvil-təslim işlərinin dayandırılmasını ehtiva edirdi.
ABŞ-ın bu qərarı verməsinə səbəb isə Türkiyənin Rusiyadan "S-400” havadan müdafiə raket sistemini alması məsələsi idi.
Xəbərdən istifadə edərkən istinad etmək vacibdir.
