Rusiya Hərbi Hava Qüvvələrinin komandanlığı bəyan edib ki, rus hərbi qırıcısı Tu-95ms Cənubi Koreyanın hava məkanına girməyib və beynəlxalq ərazidə - Tokto (Takesima) adası rayonunda, Yapon dənizinin neytral suları üzərindəki hava məkanında plan üzrə uçuşlar həyata keçirib.
Bu haqda Xeberle.com Rusiya KİV-nə istinadən xəbər verir.
Qurum Cənubi Koreyalı hərbçilərin "xəbərdarlıq atəşi" barədə iddialarını da rədd edib: "Cənubi Koreya qırıcıları tərəfindən "heç bir xəbərdarlıq atəşi” olmayıb. Əgər Rusiya pilotları təhlükə hiss etsəydilər, dərhal cavab verərdilər”.
Yaponiya isə hər iki dövlətə - həm Rusiya, həm də Cənubi Koreyaya xəbərdarlıq edərək Takesima adasının tarixən ona məxsus olduğunu bildirib. Rəsmi Tokio bu ərazi üzərində hər hansı insidentin yolverilməz olduğunu da əlavə edib.
Xəbərdən istifadə edərkən istinad etmək vacibdir.
