İran Ali Məhkəməsi ABŞ-ın Mərkəzi Kəşfiyyat İdarəsinin casusu olmaqda ittiham etdiyi Əmir Rəhimpur haqqında edam qərarı çıxarıb.
Xeberle.com "Fars” agentliyinə istinadən xəbər verir ki, bu barədə məhkəmənin mətbuat katibi Qulam Hüseyn İsmaili paytaxt Tehranda təşkil etdiyi mətbuat konfransında danışıb.
"ABŞ Mərkəzi Kəşfiyyat İdarəsi üçün casusluq etmək və İranın nüvə fəaliyyəti haqqında ABŞ-ın kəşfiyyat orqanlarına bilgi sızdırmaq cinayətləri ilə edam cəzasına məhkum edilən Əmir Rəhimpur Ali Məhkəmə tərəfindən təsdiqini tapıb”, - sözçü qeyd edib.
İsmaili, bundan başqa, humanitar yardım qurumlarında fəaliyyət göstərən 2 nəfərin ABŞ üçün casusluq etdiyi ittihamı ilə 15 il həbsə məhkum olunduğunu da açıqlayıb.
Xəbərdən istifadə edərkən istinad etmək vacibdir.
