Taylandda dəhşətli hadisə baş verib.

İşsizlik səbəbiylə depressiyaya düşən Nathafat Xonsakrom adlı qadın 24 günlük körpəsini diri-diri torpağa basdıraraq öldürüb. Hadisə Taylandın Fitsanulok şəhərində baş verib. 

Çay kənarında uzun müddət düşüncəli şəkildə oturan Nathafat Xonsakrom ətrafdakıların diqqətini çəkib. Vətəndaşlar vəziyyəti polisə bildirib. Daha sonra əraziyə gələn polis əməkdaşları Xonsakromun axtarışına başlayıb.

Polislər axtarış zamanı körpəni quma basdırılmış vəziyyətdə tapıblar. Xəstəxanaya aparılan körpənin öldüyü müəyyən olunub. 24 günlük balacanın bədənində hər hansı zərbəyə rast gəlinməyib.

Körpəsini öldürən qadın isə polis tərəfindən yaxalanaraq həbs olunub. Nathafat Xonsakrom polisə verdiyi ifadədə, həyat yoldaşının və özünün son zamanlarda işsiz qaldıqları üçün çox stress keçirdiyini deyib. Qadın körpəsini kasıbçılıq səbəbiylə basdırmaq məcburiyyətində qaldığını söyləyib. (anspress.com)