ABŞ Konqresinin 200-dən çox üzvü hazırkı Prezident Donald Trampın Kapitolidəki iğtişaşlardan sonra vəzifəsindən kənarlaşdırılmasının tərəfdarıdır.
Xeberle.com xəbər verir ki, bu barədə "NBC News” məlumat yayıb.
Trampın erkən istefasına çağıran konqresmenlərin demək olar ki, hamısı Demokrat partiyasını təmsil edir və ya müstəqildirlər. Eyni zamanda, Trampın vəzifəsindən kənarlaşdırılmasını dəstəkləyən yeganə respublikaçı İllinoysdan olan konqresmen Adam Kinzingerdir.
Xatırladaq ki, 6 yanvarda ABŞ-ın hazırkı Prezidenti Donald Trampın tərəfdarları seçkilərin nəticələrinə etiraz olaraq Konqresin binasına hücum ediblər. Həmin gün Konqresdə seçkilərin nəticələrinin təsdiqlənməsi üçün iclas keçirilirdi. İğtişaşlar nəticəsində dörd nəfər həlak olub. Vaşinqton meri Myuriel Bauzer komendant saatının tətbiqi barədə göstəriş verib.
Son məlumatlara görə, Trampın 55 tərəfdarına ittiham irəli sürülüb.
Xəbərdən istifadə edərkən istinad etmək vacibdir.
