Maddi sərvətləri harda hər cür müdaxilələrdən qoruyaraq, saxlamaq olar? Onların xidmətindən istifadə etmək hər kəsə əlçatan olmasa da, dünyada belə yerlər mövcuddur. Analitik.az dünyanın ən etibarlı və ən güclü qorunan saxlanc və seyflərini təqdim edir.
1. ABŞ-ın qızıl ehtiyatı anbarı - Fort Noks
Bu anbar Amerika ordusuna məxsus Fort Noks hərbi bazasının ərazisində yerləşir. Bu "qızıl anbarına" girmək istəyənlərlərin aqibəti heç də yaxşı olmayacaq. Bunun bir çox səbəbləri var: birincisi, "casuslara" dörd divarı keçmək lazım gələcək, özü də divarların ikisi gərginlik altında saxlanılır. İkincisi, başdan -ayağa silahlanmış mühafizəçilərin gözündən yayınmaq üçün yəqin ki, gözəgərünməz olmaq lazım gələcək, üstəlik, hər şeyi görən kameralardan da yayınmaq asan deyil. Qranit divarını uçurmağı isə yalnız ağılsızlar arzulaya bilər! Anbarın divarlarının qalınlığı 120 santimetr təşkil edir. Qapılar haqqında da unutmaq olmaz! Bu xeyli sayda təbəqələrdən ibarət polad konstruksiyaların çəkisi 750 ton təşkil edir! Hətta əgər hansısa inanılmaz, ağlasığmaz səbəblər üzündən bütün maneələri dəf edib içəri girmək mümkün olsa da, saxlancın qapısının çəkisinin 22 ton olması faktı bu fikrin mənasız olduğunu sübut edən tutarlı arqument olacaq.
Yeri gəlmişkən, anbarın qapılarını xüsusi kod vasitəsilə də açmaq mümkündür. Lakin, bu "açar" o qədər çətin quruluşa malikdir ki, onu tapmaq üçün Fort Noksun bütün əməkdaşlarının kodlarını açmaq lazım olcaq. Bütövlükdə bu kombinasiyanı heç kim bilmir! Bundan başqa, "böyük" anbarların içində bir neçə "kiçik" anbar da yerləşdirilib ki, onların da hər birinin kodunu bilmək lazımdı.
2. Şpitsberqendə "Qiyamət Günü Anbarı"
Şimal Buzlu okeanında yerləşən Geniş qütb arxipelaqında yaradılan bu anbar-saxlanc əsas kənd təsərrüfatı bitkilərinin toxum nümunələrinin saxlanması üçün istifadə olunur. Dünya tufanı, armageddon, buz dövrü... Təbiət hər an bizi gözlənilməz sürprizlə üz-üzə qoya bilər. Dünya əhalisi bu anbarın sayəsində rahat yata bilərlər: anbar Planetə dənli bitkiləri qaytarmağa kömək edəcək. Anbarın ərazisi hər tərəfdən okeanla əhatə olunub. 130 metr dəniz səviyyəsindən yüksəklikdə hansı daşqından danışmaq olar ki? Burada hər hansı nüvə hücumları və zəlzələlərdən də qorunmaq nəzərdə tutulub. Dənizin 120 metr dərinliyində. Ağ ayıların mühafizəsi və möhkəm polad qapılar...
3. Yeraltı kompleks NORAD- Şayenn dağı
Bu saxlanc Kolorado-Sprinqs ətrafında yerləşir. Əsas məqsədi Sovet ittifaqı tərəfindən Nüvə hücumu zamanı qoşunların operativ idarəedilməsidir. Hazırda "qaynar konservasiya" statusundadır, yəni lazım gələrsə bir neçə saat ərzində tam döyüş hazırlığı vəziyyətinə gətirilməsinə nail olmaq üçün saxlanılır. Xidməti otaqlar qranit əsaslı dağın 600 metr dərinliyində yerləşir. Belə dərinliyə malik anbarın normal fəaliyyətini təmin etmək üçün zəruri olan havanın xüsusi verilməsi tələb edilir. Burada havanın süzülməsi və təmizlənməsi, kimyəvi, nüvə və bioloji filtrlərin hesabına həyata keçirilir. Bu qəribə "konserv bankalar"ının əməkdaşları, gücü 30 меqaton olan partlayışa dözümlü 25 tonluq qapılar arxasında işləyirlər. Məsələn, saxlancın girişi bloka düşərsə, onu açmaq üçün Naqasakidə olan klon mərmisini - atom bombasını anbarda 1429 dəfə partlatmaq lazım gələcək!
4. Ayron dağı
Bu saxlanc məşhur əşyaların saxlanması üçün istifadə olunur. Bu əşyalar təyyarələr, gəmilər və digər hərəkət vasitələrinin qəzaya uğramasından sonra qalan fraqmentləri, orijinal patent və parçalar, orijinal yazı və fotoşəkillər, tarixi filmlərin çarxı da ola bilər. Bütün bu dəyərlər köhnə əhəngdaşı mədənində, Dəmir dağın altında saxlanılır. Anbarın sahəsi 160 min kvadratmetrdir. "Xəzinə" 95% Amerika Birləşmiş Ştatları hökumətinin mülkiyyətidir, qalan "eksponatların" sahiblərinin adları isə ciddi şəkildə gizli saxlanılır. Dağ seyfinin girişi iki cərgə silahlı mühafizə ilə qorunur, istənilən ziyarətçi istisnasız olaraq, çox ciddi yoxlamalara məruz qalır.
5. Nyu-Yorkun Federal ehtiyat bankı
Bu anbarın binası Liberti-stritdə yerləşir. Onun divarları arxasında bütün dünya üzrə ehtiyat qızılın 25 faizi saxlanılır. Qeyd edək ki, qızıl külçələrin böyük hissəsi, daha doğrusu, 98 faizi Amerikaya məxsus deyil, xarici ölkələrə məxsusdur. Bina turistlər üçün açıqdır. Düzdür, "qızıl seyf"inə baxmaq onlar üçün əlçatmazdır ... 270 milyard dollardan artıq külçələr, yeraltı suların içində, 25 metr dərinlikdə yerin altında yerləşdirilmiş üçmərtəbəli bunkerdə saxlanılır. Onu hər tərəfdən dağlar əhatə edir, bu "qızıl ocağının" girişi isə peşəkar snayperlərin nişangahı altında daim nəzarətdədir. Seyfin dəmir qapısının təxminən 90 ton çəkisi var.
6. Qranit dağı və ya Mormon anbarı
180 metr dərinlikdə dağın altında yerləşən bu Mormon kilsəsinin kitabxanasında tarixi immiqrasiya sənədlərindən tutmuş, tarixi yazışmalaradək bütün sənədlər 3,5 milyard ədəd mikroplyonkalarda saxlanılır. 1965-ci ildən fəaliyyət göstərir. Yüzdən çox dünya ölkələri "Qranit dağın" altında olan bu arxivə kilsə və kitabxana sənədlərini saxlamaq üçün verirlər. Büro əməkdaşları onların dublikatını tərtib etdikdən sonra bu məlumatlar şəbəkəsində dərc olunur. Məsələn, familysearch.com və ancestry.com kimi internet saytlarında. Kitabxana kənar müdaxilələrdən silahlı mühafizə və çəkisi 14 ton olan, nüvə partlayışına dayanıqlı qapı ilə qorunur.
7. Xirosimada Teikoku bank anbarı
Amerika hökumətinin əmri ilə 1945-ci ildə atılan atom bombası Yaponiyanın Xirosima şəhərini tamamilə məhv edib. Ancaq bu dəhşətli hadisədən nəsə yenə də salamat qaldı. İnanılmazdır, amma faktdır: Partlayışın episentrinin bilavasitə yaxınlığında yerləşən Teikoku Bank bu dəhşətli faciədə "sağ qalıb"! Tikili azca əyilsə də və xaricdən hisə bürünsə də, daxilinə tamamilə zərər dəyməyib.
8. İngiltərənin qızıl bankı
Bu bunkerdə 4 600 515 ton qızıl saxlanılır. Anbarların mühafizəsi barədə xüsusi təfərrüatlar açıqlanmır. Yalnız o məlumdur ki, bu çoxmərtəbəli tikili çətin kombinasiyalı uzun açarlı və bombardmanı əks etdirə biləcək qapı ilə təchiz edilib. Bu qapı həm də səsi tanıma sisteminə malikdir.
9. Bahnhof end Wikileaks kompaniyasının seyfi
İsveç paytaxtının küçələri altında 30 metr dərinlikdə yerləşir. Stokholmun Culian Assanjın bunkeri, məlumatların emalı və saxlanılması üçün tutumuna görə dünyada ən iri bunkerdir. İsveç provayderinə aid olan avadanlıqlar qalmaqallı layihə olan Wikileaksin serverini etibarlı şəkildə qoruyur. Onların təhlükəsizliyinə və saxlanılan məlumatların uzunömürlüyünə 45 santimetrlik dəmir qapı və ehtiyat generatorlar cavabdehdir. (analitik.az)
Xəbərdən istifadə edərkən istinad etmək vacibdir.
