Ukraynada genişmiqyaslı müharibə başlayandan indiyədək 165 uşaq ölüb, 266 uşaq müxtəlif dərəcəli bədən xəsarətləri alıb.
Xeberle.com xəbər verir ki, bu barədə Ukrayna Baş Prokurorluğunun Telegram kanalında bildirilib.
"Rusiya Federasiyasının silahlı təcavüzü nəticəsində Ukraynada 431-dən çox uşaq zərər çəkib. 2022-ci il aprelin 5-i səhər saatlarına olan məlumata görə, 165 uşaq həlak olub, 266 uşaq müxtəlif dərəcəli bədən xəsarətləri alıb”, - xəbərdə deyilir.
Vurğulanır ki, bu rəqəmlər yekun deyil, çünki onların aktiv döyüş əməliyyatları aparılan yerlərdə, müvəqqəti işğal olunmuş və azad edilmiş ərazilərdə araşdırmalar aparılır. Xüsusilə Mariupol şəhərində, Kiyev, Çerniqov və Luqansk vilayətlərindən dəqiq rəqəmlər toplanmayıb.
Aprelin 4-də Rusiya silahlı qüvvələrinin Nikolayev şəhərini atəşə tutması nəticəsində bir uşaq həlak olub.
869 təhsil müəssisəsinin bombardman və top atəşinə tutulması nəticəsində zərər gördüyü, onlardan 83-nün tamamilə məhv edildiyi qeyd edilir.
Xəbərdən istifadə edərkən istinad etmək vacibdir.
