Oktyabrın 21-i səhər saatlarında rus qoşunları Zaporojyeyə raketlərlə hücum edib.
Xeberle.com UNİAN-a istinadən xəbər verir ki, hücum barədə Zaporojya Regional Hərbi Administrasiyasının rəhbəri Oleksandr Starux məlumat verib.
"Düşmən rayon mərkəzinə raketlərlə hücum edir. Sığınacaqlarda olun! Təhlükəsizlik qaydalarına əməl edin".
Daha sonra o bildirib ki, düşmənin hücumu nəticəsində şəhərdə raket parçaları qala bilər:
"Toxunmayın, yaxınlaşmayın, şəkil çəkməyin. Bu sursat parçaları partlayıcıdır. Bir-birinizə diqqət yetirin".
Hücumun təfərrüatları barədə Zaporojyeye Şəhər Şurasının katibi Anatoli Kurtev də açıqlama verib:
"Rusiya caniləri yenidən Zaporojyeyə hücum edib. Yaşayış binaları və şəhərin infrastrukturu düşmən zərbələri nəticəsində zədələnib. Dağıntılar və qurbanlar barədə ətraflı məlumat dəqiqləşdirilir. Rusiya terrorçu ölkədir".
Xəbərdən istifadə edərkən istinad etmək vacibdir.
