30 noyabr və 1 dekabr tarixlərində keçiriləcək "InMerge İnnovasiya Sammiti”ndə "Apple” şirkətinin qurucularından Steve Wozniak ilə yanaşı, "Netflix” platformasının həmtəsisçisi Marc Randolph da iştirak edəcək.
Qeyd edək ki, regionun ən böyük tədbirlərindən sayılan "InMerge İnnovasiya Sammiti” innovatorları, aparıcı texnologiya şirkətlərini, startapları, eləcə də sponsor və investorları bir yerə toplayaraq onlarla əlaqə yaratmaq və əməkdaşlıqlar qurmağı hədəfləyir.
Bunlardan əlavə, "Shazam" şirkətinin təsisçisi Chris Barton, "Trendyol" şirkətlər qrupunun prezidenti Çağlayan Çetin, məşhur TED spikeri Michael Ringel, "PAŞA Holdinq”in baş icraçı direktoru Cəlal Qasımov və öz sahəsində rəy sahibi bir çox şəxsin də bu tədbirdə iştirakı gözlənilir.
Tədbirə qatılan hər kəs orada yeni insanlarla tanış ola, əməkdaşlıqlar qura, hətta vörkşoplara qatılaraq özlərini daha da təkmilləşdirə bilərlər. Tədbirin sonunda isə iştirakçıları maraqlı və əyləncəli bağlanış gecəsi gözləyir.
İnnovasiya və texnologiya sahəsi üçün önəm kəsb edən bu tədbir üçün biletlər 10 sentyabr tarixinə kimi 500 dollar yox, endirimlə 150 dollara təqdim olunur. Tədbir haqqında daha çox öyrənmək və bilet əldə etmək üçün inmerge.az veb-saytını ziyarət edə bilərsiniz.
Xəbərdən istifadə edərkən istinad etmək vacibdir.
