Hər gün 4 milyondan çox insanın istifadə etdiyi skype proqramı bir müddət əvvəl Microsoft şirkəti tərəfindən alınıb. Bununla da "Skype"da bir sıra yeniliklər tətbiq edilib.

Onların arasında ən cəlbedicisi, "Skype translator" - real vaxt rejimində səsli zənglər və mətn mesajları tərcümə etməyə imkan verən proqramdır. Sınaq müddətində ilk olaraq İspan və İngilis dillərinin tərcüməsinə imkan verən bu proqram artıq 50 min istifadəçi üçün əlçatan olub.

Bundan sonra ''Windows'' istifadəçiləri yeni proqram vasitəsilə, ortaq dil olmadan, yəni insanlar fərqli dillərdə danışsalar belə, bir-birini rahatlıqla anlaya biləcəklər.

Gələcəkdə tətbiq edilən dillərin sayı 50-yə çatdırılacaq. Lakin proqramın bu funksiyasından ''Skype''-ın köhnə versiyasında istifadə mümkün deyil.