Hal-hazırda şəhərdə 100 ailəyə düşən telefon aparatlarının sayı 85-ə çatıb. Bu fikirlər Sumqayıt Şəhər İcra Hakimiyyətində 2015-ci il üzrə keçirilən hesabat konfransında qeyd olunub. Hesabat yığıncağında qeyd olunub ki, şəhərdə 15 provayderdən istifadə olunur. İnternet istifadəçilərinin sayı 28892 nəfərdir. Hər 100 ailəyə 14 istifadəçi düşür. Poçtamt tərəfindən tarif gəlirləri proqnozuna 103,0 faiz əməl olunub. Keçən illə müqayisədə 24,2 min manatdan çox gəlir əldə olunub.Əhaliyə göstərilən rabitə xidmətinin səviyyəsinin artırılması istiqamətində bir sıra işlər görülüb. St.Sumqayıt yaşayış massivində, 32-ci, 21-ci mikrorayonda 64 nömrə quraşdırılmış, 288 genişzolaqlı internet port montaj olunmuş və istismara verilib. Kimyaçılar yaşayış massivində 32, Xəzri adlanan ərazidə 64 port artırılmışdır. St.Sumqayıt yaşayış massivində 512 , Novxanı bağları ərazisində 320 ,Corat bağları-130, Yaşıldərə massivində tutumu 256 , Tuğ Zavod yaşayış massivində 96 və Şirvan dəmiryol massivində 512 nömrə olan optik paylayıcı şkaflar quraşdırılıb, ümumilikdə 1696 nömrə istismara verilib. Şəhərin 6-cı, 9-cu, 10-cu mikrorayonlarda 4-cü, 8-ci, 14-cü, 30-cu məhəllələrində hündürmərtəbəli binaların telefonlaşdırılmasına başlanılıb.(sumqayitxeber.com)
Xəbərdən istifadə edərkən istinad etmək vacibdir.
