"Sucuri” şirkətinin tədqiqatçıları kiber hücumlar qarşısında müxtəlif CMS platformalarının zəiflikləri ilə bağlı hesabat dərc edib.

İKT.lent.az-ın "runews24.ru” saytına istinadən məlumatına görə, mütəxəssislər viruslara yoluxmuş 11 min saytın məlumatlarını analiz ediblər və onların arasında daha çox hansılarının sındırıldığını öyrəniblər.

Belə ki, şəbəkədə milyarddan artıq müxtəlif sayt fəaliyyət göstərir və onlardan üçdə biri bu CMS platformalarının bazasında çalışır: "WordPress” (78%), "Joomla!” (14%), "Drupal” (2%) və "Magento” (5%).

Məlum olub ki, "WordPress” platformasında işləyən portalların 56 faizi artıq köhnəlmiş proqram təminatından istifadə edir. Bundan başqa, platforma yoluxma sayında da stabil olaraq artım nümayiş etdirir. 

Ötən il bu platformada olan saytların 83 faizi müxtəlif viruslara yoluxub. Bu ilin birinci rübündə isə bu saytların 77 faizi virus hücumuna məruz qalıb.