Danimarkanın "Lumigon” şirkəti gecə görmə kamerasına malik qeyri-adi smartfon buraxıb.
 
İKT.lent.az-ın "GSMArena” portalına istinadən verdiyi məlumata görə, istehsalçı "Lumigon T3” smartfonunun bazarda bu özəlliyə sahib ilk smartfon olduğunu bildirir.
 
Möhkəm metal korpusa malik "T3” smartfonu 4,8 düymlük Super AMOLED displey və "Gorilla Glass 4” qoruyucu şüşəsi ilə təchiz olunub. Cihaz 8 nüvəli "MediaTek Helio X10” prosessoru ilə işləyir. Operativ yaddaşın həcmi 3GB, daxili yaddaş 128 GB-dir. Əsas kamera 13 meqapikseldir. Gecə görmə kamerasının modulu cihazın arxa tərəfindədir. 4 meqapiksellik bu kamera infraqırmızı işıqlandırmaya malikdir. Arxa səthdə kiçik "taçpad” da yerləşdirilib ki, onun köməyi ilə fotolara baxmaq, internetdə kitabları səhifələmək, saytları yoxlamaq mümkündür. Smartfonda altimetr, termometr, kompas və barmaq izi "datçiki” də var. Cihaz toz və rütubətdən qorunur və 2 SİM-kart qəbul edə bilir.    
 
"Lumigon T3” "Android 6.0 Marshmallow” bazasında çalışır və simsiz şarj texnologiyasını dəstəkləyir.
 
Smartfonun ölçüləri 137*69*7.9 мм, çəkisi 145 qramdır.
 
Yeni smartfonun qara rəngli versiyası 925 dollardan satışdadır. İyunun sonlarına qədər isə ağ və narıncı versiyalar satışa çıxacaq.