Sumqayıt Şəhər Təhsil Şöbəsində ənənəvi olaraq ilə yekun vurulub.
IX siniflər üzrə buraxılış imtahanlarında 81 % müvəffəqiyyət, 46 % keyfiyyət, XI siniflərdə isə həmin göstəricilər 88,3 % və 49 % olmuşdur ki, bu da ölkə üzrə ən yaxşı göstəricilərdəndir. Buna baxmayaraq, nəticələrin daha da yaxşılaşdırılması yolları araşdırılır.
Şəhər üzrə təhsilin keyfiyyət göstəricisinin ötən illə müqayisədə 3 %-ə yaxın artaraq 57 %-ə, ali məktəblərə qəbulun isə 5,8 % artaraq 60,1 %-ə, 600-dən yuxarı bal toplayaraq ali məktəblərə qəbul olanların sayının 98-dən 129-a, prezident təqaüdçülərinin 7-dən 9-a çatması, respublika üzrə ali məktəblərə qəbulun nəticələrinə görə 102 prezident təqaüdçüsündən 9-nun Sumqayıt məktəblisi olması yaxşı hal kimi qiymətləndirilib.
Müzakirələr zamanı 2014-2015-ci dərs ilinin I yarısının nəticələrinə görə proqram materiallarını mənimsəməkdə çətinlik çəkən şagirdlərin əlavə məşğələlərə cəlb edilməsi, təhsildən yayınmağa meylli uşaqların valideynləri ilə işin gücləndirilməsi, vətənpərvərlik tərbiyəsi sahəsindəki işlərin daha da yaxşılaşdırılması, təhsilin keyfiyyətinin artırılması məsələləri prioritet məsələ kimi önə çəkilmişdir. (dosye.org)