İnternetdə həm yarımştat işlərdən, həm dədaimi işlərdə qazanc əldə etmək mümkündür. İnternet hər addımda pul qazanmağın mümkünlüyünü sübüt edir. Daimi qazanc üçün isə daimi internet əlaqəsi, smartfon və yaxud noutbuk və işləmək istəyi lazımdır. Azercell-in təklif etdiyi sərfəli tariflər və internet paketləri isə internet bitdikdə belə ünsiyyəti davam etdirməyə, işləri isə onlayn rejimdə rahatlıqla görməyə şərait yaradır.

Bloqlar və podkastlar - şəxsi brenddən pul qazanmaq

Sosial şəbəkələrdə və internetdə öz bloqlarınızı idarə edə bilərsiniz. Populyarlıq qazanmaq üçün ya tamamilə yeni üslubdan istifadə etməli, ya da vacib və maraqlı mövzular haqqında danışmalısınız. Bloq və podkastinqin monetizasiyası bir neçə yolla baş verir:

• Reklam yerləşdirilməsi;

• Kursların, faydalı materialların satışı;

• Məhsulların birbaşa satışı.

Həmçinin, tərəfdaşlıq müqavilələri və digər bloqçularla əməkdaşlıq gəlir gətirə bilər. Bəzən bloq sosial şəbəkələrdə məhsullarını satmağa qərar verən müəssisələr üçün əlavə gəlir mənbəyinə çevrilə bilər.

”Dropshipping” və ya şirkətlərlə müqavilələr

Bu cür qazancları yalnız qismən ənənəvi onlayn mağaza adlandırmaq olar. Burada öz anbarlarınızın olması vacib deyil, amma böyük bir mağaza və ya müəssisə ilə müqavilə bağlaya bilərsiniz. Mağazalar müştərilərlə birbaşa ünsiyyətdə olmadıqlarından bu sxemdən faydalanır. Beləliklə, vasitəçi tərəf isə müştəri xidmətlərindən fayda götürür.

Onlayn təlim və kurslar

Kifayət qədər biliyə sahibsinizsə, onlayn şəkildə müəllim kimi fəaliyyət göstərə bilərsiniz. Bunun üçün bir çox onlayn platformalar mövcuddur ki, müəllimlərin orada müsahibə zamanı bilik dərəcəsi yoxlanılır və onlar sertifikat əldə edirlər. Hazırda dil və dəqiq elmlər sahəsi üzrə fəaliyyət göstərən müəllimlərə böyük ehtiyac var. 

Sosial media idarəçiliyi

Sosial şəbəkələrlə işləmək indi xüsusilə populyarlıq qazanıb. Bu sahədə kopirayterlər, targetoloqlar, SMM mütəxəssislər, dizaynerlər və fotoqraflar kimi peşəkarlara ehtiyac olur. Müştərilərlə rahat və asanlıqla ünsiyyət qurmaq, yaradıcı və təşəbbüskar olmaq bacarığı alqışlanır.