Torpağın sənədi olsa da, evin sənədi yoxdur. Torpaq sənədi SSRİ dövründə verilib. Sənəd almaq üçün Nərimanov rayonunda yerləşən evlər idarəsinə mülkiyyət sahibi Xanova Xədicə adından qızı Aslanova Sədaqət Xasay qızı müraciət edib. Oradan bildirilib ki, layihə təsdiq olunmalıdır, icra başçısı sərəncam verməlidir, torpaq sənədi gətirilməlidir, daha sonra sizə kupça verilə bilər. Binəqədi rayon İcra Hakimiyətində bu işlərlə təsərrüfat şöbəsinin baş məsləhətçisi Elşad Rəhimovun məşğul olduğunu bildiriblər. Həmin şəxsin qəbulunda olan Sədaqət Aslanovaya bildirilib ki, ya pul ödəniləcək, ya da otağı tərk et, vaxtımı alma.

Prezidentin sərəncamına əsasən sovet dövründə tikilən evlərə kupça verilməlidir. Binəqədi rayon İcra Hakimiyyətində vətəndaşa bu sərəncama məhəl qoymadan kobud şəkildə bildirib ki, sənədləriniz qaydasında deyil və bu işi 15 mindən aşağı həll etmək qeyri-mümkündür. Vətəndaş hər iki idarəyə müraciət etsə də, idarə rəhbərləri bu məsələni bir-birinin üzərinə atır.

Hər iki halda vətəndaşdan 15 min manat qanunsuz olaraq rüşvət istənilir.

Qarşı tərəfin də mövqeyini işıqlandırmağa hazırıq.

Xeberle.com