Dünya Azərbaycanlılarının Həmrəyliyi günü və Yeni il münasibətilə Sumqayıt şəhər Mədəniyyət və Turizm idarəsinin təşkilatçılığı ilə şəhərimizdə silsilə tədbirlər keçiriləcək.
Sumqayıt şəhər Mədəniyyət və Turizm idarəsinin mətbuat xidmətindən Xeberle.com-a verilən məlumata görə, mədəniyyət müəssisələrinin kollektivləri şəhərimizin 4 müəyyənləşdirilmiş ərazisində və Hacı Zeynalabdin qəsəbəsində 10 gün olmaqla konsert proqramı ilə çıxış edəcəklər.
N.Nərimanov adına mədəniyyət evində 3 gün (müddət artırıla bilər) uşaqlar üçün yeni il şənliyi təşkil ediləcək.
O cümlədən, mədəniyyət müəssisələrinin kollektivləri hərbi hissələrdə, hərbi hospitallarda və Saray 7 saylı fiziki və əqli qüsurlu uşaqlar üçün internat evində konsert proqramı ilə çıxış edəcəklər.
Xəbərdən istifadə edərkən istinad etmək vacibdir.
