Xəbər verdiyimiz kimi, Sumqayıt Şəhər İcra Hakimiyyəti Dünya Azərbaycanlılarının Həmrəyliyi Günü və Yeni il ərəfəsində məktəbəqədər müəssisələrdə tərbiyə alan uşaqları sevindirib.
Belə ki, Sumqayıtda fəaliyyət göstərən 43 uşaq bağçasına şəhər rəhbərliyinin təşəbbüsü ilə ümumilikdə 5000 bayram sovqatı çatdırılıb.
Bu nəcib təşəbbüs balacalar tərəfindən böyük sevinclə qarşılanmaqla yanaşı, məktəbəqədər müəssisələrin kollektivini də sevindirib.
Sumqayıt şəhər "Günəş” uşaq bağçasının (7 saylı) tərbiyəçisi Lyubov Hüseynova Xeberle.com-un elektron ünvanına məktub göndərərk şəhər icra hakimiyyətinin atdığı nəcib addımı yüksək qiymətləndirib və icra hakimiyyətinin başçısı Zakir Fərəcova öz təşəkkürünü bildirib. Məktubu olduğu kimi təqdim edirik:
"Salam Hörmətli Xeberle.com
Mən Hüseynova Lyubov 1980 – cı ildən Sumqayıt şəhərində yaşayıram. M. F. Axundov adına Azərbaycan Pedoqoji İnstutuna (indiki Bakı Slvayan Universiteti) bitirmişəm.
1983-cu ilin oktyabr ayından etibarən 28 nömrəli uşaq bağçasında , 1986-cı ildən bü günə kimi Sumqayıt şəhəri 7 saylı uşaq bağçasında tərbiyəçi vəzifəsində çalışıram.
7 – saylı körpələr evi uşaqlar bağçasında 2016 – cı ilin fevral ayında işləməyimin 30 ili tamam olacaq.
Bu məktubunu yazmaqda məqsədim öz həyat yolum haqda yox, Sumqayıt şəhər icra hakimiyyətinin başçısı Zakir Fərəcovla bağlıdır.
Qeyd elədiyim kimi 7 – saylı körpələr evi uşaqlar bağçasında tərbiyəçi işlədiyim 29 il müddətində Sumqayıt şəhəri tarixində uşaq bağçaları ilə maraqlanan şəxs olmayıb. Azərbaycan Respublikasının Prezidenti İlham Əliyev cənablarının müvafiq sərəncamına əsasən Sumqayıt şəhər icra baçşısı vəzifəsinə sentyabr ayından təyin edilmiş Zakir Fərəcov ilk növbədə Sumqayıtda olan uşaq bağçalarının dam örtüklərinin yenilənməsi və istilik sistemi ilə təminatı üçün göstəriş verib. Az müddətdə bizim çalışdığımız uşaq bağçasında dam örtüyü yeniləndi və istilik sistemi tam quruldu. Əvvəllər isə payız,qış , yaz fəsillərində daman tavan və qış aylarında soyuq otaqlar bağçada uşaqların sağlamlıq durumlarını sual altına qoyurdu. Sumqayıt şəhər icra hakimiyyətinin başçısı Zakir Fərəcovun uşaqlara necə önəm verdiyinə artıq hər kəs şahiddir.
25 dekabr 2015-ci il tarixində işlədiyim 7 saylı körpələr evi uşaq bağçasına Sumqayıt şəhər icra hakimiyyətinin başçısının nümayəndəsi ilə Təhsil şöbəsinin əməkdaşı, metodist Maral xanımla uşaqlara bayram sovqatı olan yeni il hədiyyəsi paylandı. Bizim uşaq bağçasını neçə illərdir heç kim arayıb axtarmayıb, heç vaxt uşaqları belə yad edən olmamışdı.
Bizim bağçanın körpə və uşaqlarının çox hissəsini yaxınlıqda yerləşən yataqxanaların aztəminatlı ailələri təşkil etdiyi üçün elə valideynlər olurdu ki balalarına bayram hədiyyəsi belə ala bilmirdilər.
Bü günki gündə Sumqayıt şəhər icra hakimiyyətinin başçısının imza atdığı bu təqdirəlayiq bayram hədiyyəsini kollektivimizin adından alqışlayırıq .
Sumqayıt şəhər icra hakimiyyətinin başçısı Zakir Fərəcov cənablarına gələcək fəaliyyətində uğurlar arzulayaraq "Dünya Azərbaycanlıların Həmrəylik” və Yeni il münasibətilə təbrik edirəm."