Bu sözləri Xeberle.com-a açıqlamasında hüquqşünas Ramil Süleymanov bildirib. Onun sözlərinə görə qanunda müvafiq şərtlər qeyd olunmasa da, praktikada nikah yaşının 1 il müddətində azaldılması üçün bir sıra şərtlər müəyyən olunub:

"Xanım hamilə vəziyyətdə olarsa (düzdür burada məsələ bir az problemlidir, hətta elə vaxt olur ki, hüquq mühafizə orqanları haqlı olaraq bununla bağlı araşdırma başladırlar), həkimdən hansısa xəstəliklə bağlı arayış gətirilərsə ki, sırf problem ailə quruduğu təqdirdə həll oluna bilər və s. kimi hallarda nikah yaşı 1 il azaldıla bilər. Ən geniş yayılmış təcrübə isə ondan ibarətdir ki, şəxslər 18 yaşına çatmamış nişanlanırlar (tutaq ki, hər ikisinin 18 yaşı yanvar ayının 1-də tamam olur)və ailədəki şəxslərdən birinin vəziyyətinin pis olması ilə əlaqədar həkimdən kağız alırlar. Həmin sənədləri müvafiq komissiyaya göndərərək xahiş edirlər ki, onların nikah yaşı bir il endirilsin. Bundan başqa qızların, bəzi hallarda oğlanların məcburi şəkildə nikaha girməsi halları yaşandığına görə, bununla bağlı müvafiqdövlət idarələri, mərkəzi icra hakimiyyəti orqanları konkret olaraq Ailə, Qadın və Uşaq Problemləri üzrə Dövlət Komitəsindən, o cümlədən İnsan Hüquqları üzrə Ombudsmandan, müxtəlif Qeyri Hökumət Təşkilatlarından (QHT) qəti şəkildə tələb edirlər ki, onlara müvafiq rəy verilməsin. Çünki bu hal sonda məişət zorakılığı, erkən hamiləlik və s. ilə nəticələnir”.

Elnarə Salamova

Xeberle.com