Sorğuda iştirak edən şəhər sakinlərinin statistikasına nəzərə salsaq mütləq əksəriyyəti Sumqayıtda nəqliyyat sitemindən, xüsusilə də sərnişindaşımadan narazı olduqlarını bildiriblər.

Sərnişinlərin bir qismi 22 və 25 saylı marşrutların ləğv edilməsinin yanlış addım olduğunu düşünürlər. Sözügedən marşrut xətlərinin yenidən bərpa olunmasını arzulayırlar.

Sakinlərin bir hissəsi isə 2 saylı marşrutun fəaliyyətindən razı olmadıqlarını bildirirlər. Onlar marşrutun əvvəlki xətt üzrə hərəkət etməsini daha məqbul hesab edirlər.

Hacı Zeynalabdin qəsəbəsi istiqamətində işləyən 3 saylı marşrut avtobuslarından da narazı olanlar az deyil. Bildirilir ki, sözgedən marşrut üzrə hərəkət edən avtobuslar arasında interval uzunmüddətlidir.

Bağlar istiqamətində işləyən marşrut avtobuslarının fəaliyyəti də qənaətbəxş deyil. Sorğuda iştirak edən şəhər sakinləri həmin avtobusların istənilən səviyyədə olmaması, həmçinin intervalın uzunmüddətli olmasını və axşam saatlarında avtobus tapmağın mümkünsüz olduğunu deyirlər.

Respondentlərin narazılıqları bununla da bitmir. Belə ki, sərnişinlər avtobus sürücülərinin kobud rəftarından, eləcə də nəqliyyat vasitəsinin addımbaşı saxlamasından narahatlıqlarını ifadə edirlər.

Xeberle.com sakinlərin müxtəlif marşrut avtobus xətləri üzrə narazılıqları əsasında hazırlanmış infoqrafikanı oxuculara təqdim edir: