Bu sözləri Xeberle.com-a açıqlamasında Sumqayıt şəhər Məşğulluq Mərkəzinin direktoru Elxan Bədəlov deyib. E. Bədəlov bu gün işaxtaranların çoxunun təhsili və peşəsi olmadığını bildirib: "İşverən şirkət və müəssisələr isə ən azından təcrübəsi olan işçılər axtarır. Fəhləyə ehtiyac olmayan bir dövrdə təhsilsiz vətəndaşın iş axatarması çıxılmaz vəziyyət yaradır. Hal-hazırda operatorların da təcrübə və ya peşəsinin olması işəgötürənlər tərəfindən arzuolunandır. Yaxud şəhərdə kənd təsərrüfatı üzrə ixtisası olan vətəndaş iş axtarır. Təbii ki, bunlar hamısı öz növbəsində işsizlərin sayının artması deməkdir".

Direktor qeyd edib ki, Sumqayıt Şəhər Məşğulluq Mərkəzi ötən il ərzində 9 min 753 sakini işaxtaran kimi qeydiyyata alıb. Aparılan məqsədyönlü tədbirlər nəticəsində 6 min 417 nəfər işlə təmin olunub: "Bununla yanaşı, əhalinin məşğulluq imkanlarının genişləndirilməsi, əmək bazarında aktivliyin artırılması məqsədilə ölkə rəhbərinin tapşırığına əsasən Sumqayıtda 3 min 90 haqqı ödənilən ictimai iş yeri açılıb, 106 nəfərə işsizlikdən sığorta ödənişi təyin edilib, 360 nəfər özünüməşğulluq proqramının təlimlərinə cəlb olunub. Ümumilikdə 2019-cu ildə 6 min 910 yeni iş yeri açılıb".

Xədicə Səxavətqızı