Bu gün səhər saatlarından başlayaraq Sumqayıt şəhər Yol Polis Xidməti tərəfindən Sumqayıt-Saray-Bakı marşrutu üzrə hərəkət edən 503 saylı avtobuslarda reydlər keçirilib.

Xeberle.com məlumat verir ki, təxminən 4 nəfərə yaxın sürücünün sürücülük vəsiqəsi olmadığı aşkar edilib.

Sürücüsünün sənədi olmayan 10 TG 558 dövlət nömrə nişanlı avtobus da diqqətimizi cəlb etdi.

Sumqayıt şəhər Nəqliyyat Departamentinin rəisi Anar Səfərli bu barədə Xeberle.com-a verdiyi açıqlamada bildirdi ki, aparılan yoxlamalar Sumqayıt Yol Polis Xidməti ilə Sumqayıt şəhər Nəqliyyat Departamentinin birgə həyata keçirdiyi əməliyyat tədbiridir. Məqsəd sürücülük vəsiqəsi olmayan ictimai nəqliyyat sürücülərini aşkar etməkdir. Departament sədrinin sözlərinə görə vəsiqəsi olmayan sürücülər dərhal xətdən uzaqlaşdırılacaqlar. Əməliyyat tədbiri təkcə Sumqayıt-Bakı marşrutlarında deyil, eyni zamnada şəhər daxilində hərəkət edən bütün marşrutlarda aparılacaq.
Nəqliyyatda mövcud olan problemlərin kökündə plan durur. Problemin həll edilməsi üçün, öncə hər bir marşrut üçün təyin edilən plan azaldılmalıdır. Çünki marşruta çıxan sürücünü nə təhlükəsizilik məsələləri nə də sərnişinləri rahat şəkildə daşımaq yox, yalnız günün sonunda ödəyəcəkləri plan düşündürür.

Aytən Əli
Xeberle.com