Hollandiyanın Veyk aan Zee şəhərində keçirilən şahmat üzrə ənənəvi "Tata Stil Çes” (Tata Steel Chess) turniri davam edir. 
Xeberle.com-un məlumatına görə, altıncı turda qrossmeysterimiz Şəhriyar Məmmədyarov hesabat turunu qələbə ilə başa vurub.
Həmyerlimiz qara fiqurlarla hindistanlı Başkaran Adhibana qalib gəlib. Bu Şəhriyarın turnirdə üçüncü qələbəsidir. Hesabında 4,5 xal olan Şəhriyar Məmmədyarov turnir cədvəlində liderdir. 
Hollandiyalı Aniş Qiri, hindistanlı Vişvanatan Anand və amerikalı Uesli Sonun hesabında 4 xal var. 
Qeyd edək ki, turnir ümumilikdə 13 turdan ibarətdir. Yeddinci turda Şəhriyar Məmmədyarov çinli Vey İlə qarşılaşacaq.

Xəbərdən istifadə edərkən istinad etmək vacibdir.