Qış aylarında kommunal xidmətlərə tələbat artır.
Görəsən, Sumqayıt sakinləri kommunal xidmətlərdən hansına daha çox ödəniş edirlər?
Elə bu məqsədlə saytımızın sosial şəbəkə hesablarında sorğu keçirmək qərarına gəldik. Sumqayıt sakinlərinə "Kommunal xidmətlərdən hansına daha çox ödəniş edirsiniz?" sualı ilə müraciət etdik.
Ümumilikdə sorğuda 332 respondent iştirak edib. Respondemtlərin 50 faizindən çoxu, yəni 162 nəfəri təbii qaza daha çox ödəniş etdiyini qeyd edib.
Kommunal xidmətlər sırasında ikinci tələbat duyulan elektrikdir. Rəyi soruşulanların 86 nəfəri daha çox elektrik enerjisinə pul xərclədiklərini bildiriblər.
Sorğuda iştirak edənlərin 78 nəfəri suya, 6 nəfəri isə istilik xidmətinə daha çox ödəniş etdiyini vurğulayıb.
Nəzərə alsaq ki, qış aylarıdır, istilik təchizatı olmayan mənzillərdə sakinlər şəxsi hesabları ilə mənzillərini istiliklə təmin edir. Belə olan halda təbii qaza olan əlavə ödəmələrin səbəbinə aydınlıq gəlmiş olur.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
