Sumqayıtda piyadanın vurulması ilə nəticələnən yol-nəqliyyat hadisəsi qeydə alınıb. Daxili İşlər Nazirliyinin verdiyi məlumata görə, aprelin 4-də saat 22.00 radələrində Sumqayıt şəhərində naməlum sürücünün idarə etdiyi "BMW” və şəhər sakini Rauf Mehdiyevin idarə etdiyi "Mercedes” markalı avtomobillər toqquşub. Zərbənin gücündən idarəetmədən çıxan "BMW” markalı avtomobillə yolu keçən Qubadli rayon sakini Ətraf Baxşəliyevi vurulub. Sürücü avtomobili ilə hadisə yerini tərk edib, Ə. Baxşəliyev isə xəstəxanaya çatdırılıb. 

Sumqayıt Şəhər Polis İdarəsi tərəfindən əməliyyat-axtarış tədbirləri aparılır.

Xeberle.com