Bakı-Sumqayıt yolunda yol-nəqliyyat hadisəsi baş verib.
Xeberle.com APA-ya istinadən məlumat verir ki, qəza magistral yolun 15-ci kilometrliyində qeydə alınıb. Buz bağlamış yolda hərəkət "Ford”un sürücüsü kəskin idarəetməni itirərək avtomobili yol kənarında dayanan "Qazel”ə və "Mercedes” markalı minik avtomobilinə çırpıb.
Hadisə nəticəsində iki nəfər xəsarət alıb. Əraziyə təcili tibbi yardım avtomobili çağırılıb. Yaralılardan biri xəstəxanaya aparılıb.
Əraziyə polis əməkdaşları cəlb edilib. Hadisənin təfərrüatı araşdırılır.
Xəbərdən istifadə edərkən istinad etmək vacibdir.
