Sumqayıt şəhərinin sakinləri yol problemi ilə üz-üzə qalmalarından gileylənirlər.
Şəhər sakinləri şikayətlərini Oxu.Az-ın redaksiyasına ünvanlayıblar.
Onlar bildirirlər ki, şəhər qəbiristanlığına aparan yol yağışlı havada bərbad hala düşür:
"Sumqayıt şəhərinin yeni qəbiristanlığına aparan yol biabırçı vəziyyətdədir. Ərazi daş bazarının, Saray körpüsünün yaxınlığındadır. Dəflərlə aidiyyəti qurumlara müraciət etmişik. Lakin bir cavab yoxdur, tədbir görülmür. Yağış yağanda üfunət qoxusundan dayanmaq mümkün olmur. Dəhşətli bir mənzərə yaranır. Hər iki tərəfdə də evlər var. Xəstəlikdir”.
Məsələyə aydınlıq gətirilməsi üçün Sumqayıt Şəhər İcra Hakimiyyətinə sorğu ünvanlamışıq.
Həmin görüntüləri təqdim edirik:
Xəbərdən istifadə edərkən istinad etmək vacibdir.
