Sumqayıt şəhərindəki məhəllələrin birində içkili vəziyyətdə sükan arxasında oturan sürücü avtomobili sürətlə idarə etdiyi üçün ona irad bildirən sakinə bıçaqla hədə-qorxu gəlib.
Bununla bağlı sosial şəbəkədə paylaşım edilib:
"Bir nəfər yaşadığımız məhəllədə içkili vəziyyətdə, özü də sürətli maşın idarə edirdi. Maşını dayandırdım və xahiş etdim ki, asta sürsün, məhəllədə uşaq, ailə piyada gəzir, belə sürmək olmaz. Mənimlə söz güləşdirdi. "Niyə içkili maşın idarə edirsən?" deyəndə təhqiramiz söz işlətdi. Acıqla maşını arxaya verib, yenidən sürətli gəldi, bu dəfə də etiraz edəndə üstümə bıçaq çıxardı".
Vətəndaş ətrafda təhlükəsizlik kameralarının olduğunu da xüsusi vurğulayıb.
Hadisə ilə bağlı Daxili İşlər Nazirliyinə (DİN) sorğu ünvanladıq.
Qurumun Mətbuat Xidmətindən sorğuya cavab olaraq bildirildi ki, məsələ araşdırılır:
"Nəticəsi barədə məlumat veriləcək".
Xəbərdən istifadə edərkən istinad etmək vacibdir.
